Tresor du roi / Tresor des chartes du roi / Chambre du Tresor / Chambre du Tresor des chartes / Chambre du Tresor où sont les chartes. "Lieu où sont conservées les archives royales, les archives de la chancellerie" (cf. F. Lot, R. Fawtier, Hist. des instit. fr. au Moy. Âge, t. 2, 1958, 94, 95) : [Jean Juvénal des Ursins au roi :] Plaise vous sçavoir que je, Jehan Juvenal des Ursins, indigne evesque et duc de Lan per de France, ay reçeu vos lettres patentes par lesquelles vous a pleu moy mander et commander que je me transportasse en vos Chambres des comptes, du tresor de vos chartres, et ailleurs, pour veoir les lettres et chartres qui pourroyent estre necessaires a la convention que devés avoir avec tres hault et puissant prince Henry, vostre nepveu et adversaire soy disant roy d'Angleterre ([JUV. URS., T. crest., c.1446, 13]). Et ay trouvé en aulcunes cronicques que le roy donna au dit Henry une grosse somme d'or et d'argent, et avec ce luy donna plusieurs belles terres et seigneuries en Guyenne (...) et de ces choses sont belles lettres ou Tresor des chartes du roy ([JUV. URS., T. crest., c.1446, 98]). ...et se tint Edouart pour content des promesses que fit le roy saint Loys a son pere et de ce bailla ses lettres, lesquelles sont au Tresor du roy, seellees du seel du dit Edouart l'an mil IJcLXXIX. ([JUV. URS., T. crest., c.1446, 100]). ...il n'est aulcune doubte que la duchié de Guyenne, quant elle a esté hors de la couronne, a esté tenue en [foy] et hommage lige, ressort et souvraineté du roy, et de ce a plusieurs chartres et lettres en la chambre du Tresor des chartres ([JUV. URS., T. crest., c.1446, 106]). Et y a beaucop de temporalité qui est aux prelats avant que il y eut oncques roy en France, et quelque soit qui ne furent oncques aux roys, ne que les roys si ne fonderent oncques, et ne croy pas que en vostre Chambre des comptes ou du tresor on le treuve, si non d'aucunes ou il y a religieulx. ([JUV. URS., Verba, 1452, 374]). [Jean Juvénal des Ursins au roi :] Faictes querir en vos Chambres de Parlement, des comptes, du tresor ou sont les chartres, en Chastelet ou sont les anciennes ordonnances de vos predecesseurs (...) ; et que de nouvel sur le fait de toutes les justices de vostre royaume en soient faictes belles ordonnances ([JUV. URS., Verba, 1452, 402]). |
